sare jahan se acha hindustan hamara
ham bul-bulen hain is ki ye gulistan hamara
ham bul-bulen hain is ki ye gulistan hamara
gurbat mein hon agar ham rahta hai dil watan mein
samjho wahin hamein bhi dil ho jahan hamara
samjho wahin hamein bhi dil ho jahan hamara
parwat wo sab se uncha hamsaya asman ka
wo santri hamara wo pasban hamara
wo santri hamara wo pasban hamara
godi mein kheli hain is ki hazaron nadiyan
gulshan hai jin k dam se rashk-e-janan hamara
gulshan hai jin k dam se rashk-e-janan hamara
ai ab-e-rud-e-ganga wo din hai yad tujh ko
utra tere kinare jab karwan hamara
utra tere kinare jab karwan hamara
mazhab nahin sikhata apas mein bair rakhna
hindi hain ham watan hai hindustan hamara
hindi hain ham watan hai hindustan hamara
yunan -o-mishr-o-roma sab mit gaye jahan se
ab tak magar hai baqi nam-o-nishan hamara
ab tak magar hai baqi nam-o-nishan hamara
kuch bat hai k hasti mitati nahin hamari
sadyon raha hai dushman daur-e-zaman hamara
sadyon raha hai dushman daur-e-zaman hamara
'Iqbal' koi mahram apna nahin jahan mein
malum kya kisi ko dard-e-nihan hamara
malum kya kisi ko dard-e-nihan hamara
No comments:
Post a Comment